سئوگیلیم
شهلا گؤزلرینی گؤردویوم زامان
دئدیم: گول اوستونه بیر ژاله دوشموش.
بیلمم او گؤزلرده نه معنا واردیر،
بو شاعر عشقیندن خیالا دوشموش.
حوسنوندن بللیدیر، ائی نازلی دیلبر،
سنی قوجاغیندا بؤیوتموش باهار.
چیینینه تؤکولن خورمایی ساچلار
سانکی مرمر اوسته شلاله دوشموش.
گؤزلرین سالیبدیر منی کمنده،
یقین بو حالیمی دویموسان سن ده.
کیم سنی قیزلارلا گؤرسه چمنده
دئیر، گولوستانا بیر لاله دوشموش.
دئمیرم مجنون تک چؤللرده قالدیم،
نه ده فرهاد کیمی هئی کولونگ چالدیم.
نه سنان اولدون کی، شؤهرتیم، آدیم
دئیه‌لر، اوبایا، ماهالا دوشموش.
او گون کی، قاپیدان باخیب کئچیبسن
منی آتشلره یاخیب کئچیبسن.
بیر اینصافین اولسون، ائی نازلی دیلبر،
گل گؤر کی، عاشقین نه حالا دوشموش.
تبریز، 1945
بالاش آذراوغلو
یازار : نژاد محمد
+ نوشته شده در چهارشنبه دوازدهم مهر ۱۳۹۱ ساعت 0:30 توسط اسماعیل سالاریان
|
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.