حاکیم,  قدم وورماق اوچون ائشیگه چیخیر. گؤرور کی بیر اکینچی یئری شوخوملور و سون درجه شاددیر و سئوینج ایچینده‌دیر.

حاکیم اوندان سوروشور: گؤرورم کی بو یئرده ایشله‌مگیندن سئوینیرسن, بورا سنین اؤز یئریندیر؟

اکینچی جواب وئریر: یوخ آغام! من اوجرت موقابیلینده ایشلیرم.

حاکیم سوروشور: بو یورقونلوغون موقابیلینده نئچه اوجرت آلیرسان؟

اکینچی دئییر: هر گونه دؤرد قوروش.

حاکیم سوروشور: بو سنی گؤرور؟

اکینچی جواب وئریر: بلی منی گؤرور, ایضافه‌ده قالیر. بیر قوروشون یاشاییشیما صرف ائدیرم و بیر قوروشلا بورجومو وئریرم. بیر قوروشونو آیریلارینا باغیشلیرام و بیر قوروشون‌دا آللاه یولوندا خرجلیرم.

حاکیم سوروشور: بو تاپماجا اولدو و من اونو تاپا بیلمیرم.

اکینچی دئییر: من اونو سیزه آچیقلارام آغام ! : آما اؤز یاشاییشیما خرجله‌دیگیم قوروش همندیر کی حیات یولداشیملا من اونونلا کئچینیریک. آما بورجومو اؤده‌دیگیم قوروش همندیر کی اونو آتا-آناما وئریرم کی منی کیچیک‌لیکدن بؤیودوبلر و منه اینفاق ائدیبلر او زمان کی من مؤحتاج‌ ایدیم. و ایندی اونلار قوجادیلار و ایشلیه بیلمیرلر. آما آیریلارینا باغیشلادیغیم قوروش همندیر کی اوشاقلاریما خرجلیرم. اونلارین تربیتی, یئمکلری و گئییملری اوچون کی اونلار بؤیوگندن سونرا و بیزیم قوجالدیغیمیز زمان باغیشلادیغیمیز اؤزوموزه قاییتسین.

آما آللاه یولوندا خرجله‌دیگیم همندیر کی ایکی ناخوش باجیما خرجلیرم.

یازان: حجةالاسلام عبدالصمد ملکی