دوشانلار پالیت آغاجلارین یانیندا شنلیکله یاشاییردیلار. گونلر کئچه رکن سایی لارینین آزالماسینی دویدولار. آنجاق ایزی-توزو قالمایان یولداشلارینین نه اولدوغونو، هارا گئتدیکلرینی بیلمه ییردیلر.

بیر گون یئر کوکو آختارارکن، دوزاغا دوشن بیر قارتالی تاپدیلار. قارتال اونلاردان یاردیم ایسته یه رک: "سیز منه یاردیم ائتسه نیز منده هر ایش ایسته سه نیز سیزین اوچون ائدرم." دئدی. دوشانلار قارتالی دوزاقدان بوراخییب، یولداشلارینین ایتمه سینی اونا دئییب، اوندان یاردیم ایسته دیلر.

قارتال جاوابلاریندا: گویده ن اوچاندا گؤره رم آغاجلارین دیبینده گیزله نن ایلانلار، سیزی گؤرونجک توتوب اودورلار. دئدی. بو سوز ائشیتجک دوشانلاری قورخو بورودو. قارتال ایسه اونلارین قورخمالارینی حیس ائدیب،"منی دوزاقدان بوراخدیغینیز اوچون یاردیمیزا گلیب، اونلاری یئیه رم." دئدی. او گوندن بری دوشانلارین هامیسی سئوینرکن، قارتالی، اونلارا بسله دیگی محبتینه گؤره چوخ سئوردیلر.

بو دوستلوقدان نئچه گون سونرا، بیر دوشان قارتالی گؤیده اوچارکن گؤردو. اونون جایناغینین ایچی دولو گؤرونوردو. او گون یئنه بیر دوشان غیب اولموشدو...

********************

دوزاغ: تله / پالیت: بلوط / یئر کوکو: هویج / قارتال: عقاب

بوراخماق: آزاد کردن / جایناق: چنگال

********************

 یازان : خانیم ندا صمدی