قورباغا ایلا عقرب ناغیلی
نقل اولوب کی قورباغایلا عقرب چای قیراغیندا گؤروشورلر و عقرب قورباغادان، اونو او بیری ساحیله آپارماسینی، بئله ایستیر:
- «منیم دوستوم! منی چایین او بیری طرفینه آپاریرسان؟»
قورباغا جواب وئریر: «من نئجه سنی آپاریم بیر حالداکی سن سانجماق و خیانتینله و جولاندا اولان بالیقلارلا مشهورسان ؟! کیم تضمین ائدیر کی چایین اورتاسیندا منی سانجیب اؤلدورمیه‌سن؟»
عقرب دئییر:
- «من نئجه سنی سانجارام بیر حالدا کی سنین بئلینده‌یم ! من سنی سانجسام ایکیمیز بیرلیکده بوغولاریق !»
قورباغا عقربین صداقتینه شکلی بیر حالدا جواب وئریر:
- «اونا بیر فورصت وئره‌رم، اولسون کی بو دفعه دوز دانیشیر ! قورخما ! منی قانع ائله‌دین کی سنی کورگیمده او بیری ساحیله چاتدیرام».
عقرب قورباغانین بئلینه مینیر و قورباغا اوزه-اوزه یولا دوشور.
چایین اورتاسیندا عقربین غریزه‌سی جوشه گلیر و سانجما هَوَسی آلیشیر. چایی کئچینجه دؤزمگه چالیشیر آما شهوتی و نفسی دینج دورمور و سانجماغا امر ائلیر، حتّا سانجماغا مجبور ائلیر و او دا سانجیر ! ایکسی‌ده بوغولماغا باشلاییر . .!
قورباغا اونا دئییر: «نییه منی سانجدین؟ سن اؤزونو و منی‌ده اؤزونله اؤلدوردون ...!»
عقرب جواب وئریر:
- «شَهوَتیم منه امر ائله‌دی من‌ده اونو ایستیجابت ائله‌دیم . . !» بئله‌لیکله هر ایکسی‌ده بوغولور . . !
جریان قورتولدو . آما سن اونداکی یئرینی بیلدین؟ ..! بلی! البتّه کی سنین اوندا یئرین یوخدور و آللاه تعالادان ایستیریک بیزلر شهوتلری اونلارا امر ائدنلر سیراسیندا اولمایاق. اونلارین اؤلدورمه‌سی اَن پیس اؤلدورمکدیر و اونلارین اؤلمه‌سی اَن پیس اؤلومدور!
یازان:میرزه عبدالصمد ملکی
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.