بَــــ يو بــــَ
۱- شما به زبان مادريتون تحصيل نميكنيد؟ بـــَ يو بـــَ فارس ديليندن اؤتور اؤلوروك، دئديك آنا ديليميزده تحصيل ايسته مز!
۲- بيلمدن سورو (سؤال) سوروشوب، دوشونورم، چؤنوب دئيير: فيكيرله شيرسن؟ بـــَ يو بـــَ دايان لود اولور!
۳-گئتميشم قوهوملارين بيرينين تورپاغا تاپشيرما مراسيمينه، سسسيز اوتورموشام،خالام اوغلو يانيما گليب دئيير: سس سيزسن؟ بــَ يو بــَ دوروم بوردا سكينه دايي قيزي ناي ناي اويناييم!
۴- سولار كسيلميشدي، نئچه ساعاتدان سونرا گلنده ايلكينده ساري سو گليردي، يانيمداكي دئيير، بورولارين (لوله لرين) پاسيدير؟ بـــَ يو بـــَ سو ايداره سي جاماعاتدان عذر ايستمه مك اوچون اؤنجه پورتوقال سويو وئرير!
۵- اوشاق تازا دونيايا گليب، آپارميشيق ائوده ياتيب، قوهوملار گليب گؤروشونه، دئييرلر، آخئي ياتيبدي؟ بـــَ يو بـــَ شارژا قويموشوق، آخي دوكتورلار دئديلر آپارديز ائوده 6-7 ساعات قويون شارژا سونرا ايشله دين، يوخسا خاراب اولار هاااا
۶- هاميسال (همگاني) تئلفونون يانيندا طرفه دئييرم، اولورسا وئرين منده زنگ آچيم، قاييديب دئيير: تئلفون كارتيني؟ بـــَ يو بـــَ دانيشيديغين آدامين تئلفون ساييسين وئر اونا زنگ آچاجايام!
۷- اوره ييم دولوب، گؤزلريم ياشلانيب، بوغازيم توتولوب، يانيمدا كي دئيير: ايسته ييرسن آغلاياسان؟ بـــَ يو بـــَ زور وئريرم گؤرم گؤزلريمدن ايشي يه بيله رم!
۸-طرف 120 سورعتله ووروب بيريني آتيب خيياوانين اوبيري الينه، هئچ دربشميرده، گؤرنلرين بيري دئيير، ياني اؤلوب؟ بـــَ يو بـــَ ادا چيخاردير بلكه پنالتي آلا!
یازار: ائلمان اورمواوغلو
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.