وکیل:- حقسیزه حقلی دییب بیر چوخ گناهه باتمیشام.

حکیم:- دردی تشخیص ایتمییب ، قوم – اقربا آغلاتمیشام.

تاجر:- من حلال ایله حرامی بیر – بیرینه قاتمیشام.

روضه خوان :- امتین پولین آلیب، من گؤزلرین ایسلاتمیشام.

درویش :- نئرده بولسه‌م سوق آچوب مین–مین یالان سؤز ساتمیشام.

صوفی :- روز و شب حق، حق دیییپ، من هرکسی اویناتمیشام.

ملا : - گونده بیر فتوا ویریپ، مخلوقی چوخ آلداتمیشام.

علم :- قطع امید ایتمیشم، یکسر بو قومی آتمیشام.

جهل :- اورتاده کیف ایلیب، من هم مرامه چاتمیشام.

شاعر:- بولبوله ، عشقه، گوله دائر یالان فیرلانمیشام.

عوام :- آنلامام هرگز، جهالت بسترنده یاتمیشام.

غزته چی:- من جریده‌م دولماق ایچون مطلبی اوزاتمیشام.

میرزا علی اکبر صابر