یادیرقادیغیمیز سؤزلر(قاریشیق کلمه لر):

دیلیمیزدن اؤزگه دیل لره گئتمیش لغت لرین سای آز دیئیل (دگیل)آنجاق ائله بو دیلیمیزین اؤزگه دیل لره گئتمیش بیر چوخ  لغت لری ایله یادیرقامیش  و اونلارین اؤزوموزونکو اولدوقلارین اونوتموشوق اثرلریمیزده ایسه اونلاری اؤزگه دیل لرده تلفظ اولدوقلاری کیمی یازیریق و دوشونوروک بو بیر سهویدیر. دیلیمیزی بو جهتدن دوزگون لشدیرمه لی ییک. مثال اوچون: 

دیلیمیزده ( اومماق ـ اومسونماق ـ اومساق) سؤزلری ایله بیرکؤکدن اولان ((اومود)) سؤزونو اکثریتده ((امید)) یا خود((اومید)) یازیب اوخویوروق بونون یانلیشلیقینی بیلدیره رک دئمه لی ییک بو بیر تورک سؤزودور و بیز تورک سؤزلرینی هر حالدا تورک قایدالاری  و تورک املاسی ایله یازمالیق نتیجه ده " امید " دگیل " اومود " یازاجاغیق. هابئله ( آریتماق ـ آریتداماقـ آریماق ) سؤزلریندن آلینمیش ((آری)) سؤزونو (( عاری)) دگیل (( آری )) یازاجاغیق. و بو آریتدانمیش و پاک معناسی وئریر. و آیدان آری سودان دورو مثلیمیزده  ده ایشلنیبدیر و عرب سؤزو دگیل:

         یازمایاق                      یازاق

 امید                           اومود

         عاری                          آری

         قطار                           قاتار

         اطاق(اتاق)                  اوتاق

         سبلان                        ساوالان