ديليمي قايتارين منه!
غربت ائلده غريبسهديم
ائليمي قايتارين منه!
درهلريم كؤز باغلاييب
سئليمي قايتارين منه!
آختاريرام حزين- حزين
ايتيرديگيم گولون ايزين
دونيادا هر نه وار سيزين
گولومو قايتارين منه!
ديل دئييرم مني آنمير
سسلهييرم، او دايانمير
نوهلريم مني قانمير
ديليمي قايتارين منه!
ياخ اورمودان گؤي خزره
اوخشار سني هر منظره
بو آذردن او آذره
ايليمي قايتارين منه!
آذرييم ائليم، واريم
هاراي سالير سؤز قاتاريم
سوسوز قاليب سونالاريم
گؤلومو قايتارين منه!
شاعر ده وار سؤز اوينادان
گونبز اوسته قوز اوينادان
فقط منه گورز اوينادان
اليمي قايتارين منه!
ديليم گئتسه قالار نهييم
نئجه بو درده بئل اييم
نسيميدن اؤيرنديگيم
تعليمي قايتارين منه!
اوستاد هاشم ترلان

1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.