زبان و ادبیات ترکان خراسان

تیر آیی نین  اون دؤردونجو گونو (۱۴تیر) قلم گونو  عزیز قلمداشلارا قوتلو اولسون ۰

بیر منم _ بیر بو قلم ، بیرده بو ویرانه کؤنول
اوچوموزده گلیریک ناله یه با هم گئجه لر
کیمسه بیلمز اورگیم سیررینی دونیادا منیم
یاز قلم دورما کی سنسن منه محرم گئجه لر

مهندس اسفندیار سپهری نیا

بیر گون طیاره اولاجام

اوچاجام

قانادلاناجام ماوی بولودلاری

قلم لریم چتیرباز اولاجاقلار

آسلاناجاقلار آغ کاغیذلاردان

ائنه جکلر یولسوز ماحاللارا ....

اوزاق  کؤی لرده کی اوشاقلار

طیاره نین سسین ائشیدیب

منه ال ساللایاجاقلار

من

یوکسک لره اوچاجام .....                                

 

Birg ün təyyarə olacam

Uçacam

Qanadlanacam mavı buludları

Qələmlərim"çətir baz" olacaqlar

Aslanacaqlar ağ kağızlardan

Enəcəklər yolsuz mahalara

Uzaq köylərdəki uşaqlar

Təyyarənin səsin eşidib

Mənə əl sallayacaqlar

Mən

....Yüksəklərə uçacam

رقیه کبیری

قلم

تانرینین ایلقاری اولوبدور قلم

سئوگی سی سایقی سی اولوبدور قلم

ازلدن بری اینسانی آنلادان

یاخشی یول گؤسترن اولوبدور قلم

سیتمکار ائوین تیتره دیب – یئخان

ظالیمی سیندیران اولوبدور قلم

بیلیم باخجاسیندا بیلگی بسلی ین

بیلمه یی بارلادان اولوبدور قلم

جهالت کؤکون جهلین ریشه سین

یئریندن قالدیران اولوبدور قلم

ادب وادیسینده ادیب بسله دن

شؤهره ته چاتدیران اولوبدور قلم

موغنّی توره دن شاعیر بئجه رن

عالیملر یارادان اولوبدور قلم

ائلی بسله دن دیلی سسله دن

کؤنول وصل ائدن اولوبدور قلم

شمشیردن ایتی بیچاقدان کسگین

سیلاحدان اودجیل اولوبدور فلم

دایاقدیر دیله سایاقدیر ائله

یازار یولداشی اولوبدور قلم

موتلویام دونیادا جانلی یولداشیم

منه گوج وئرن اولوبدور قلم

یاشار جعفر اوغلو