حکیم تیلیم خان 10 جی ایللیک عزیزلمه تؤره نی
"حکیم تیلیم خان 10 جی ایللیک عزیزلمه تؤره نی" بوگون (14 تیر 1392) مراغی کندینده برگزار ئولدو .
بو جمع ده بیر نئجه عاشیق لر و تورک هویتینه یازان لار و سوینن لر(همدان قوم ساوا مراغه تبریز تهران بئولگه لریندن ) بیر یره ییغیلمیش و بو بویوک عارفین مزاروندا فاتحه ئوخویاندان سونرا مزار اطرافینین طبیعتینده ساز بالابان و چئگورونان حکیم شعر لریندن آوازونان ئوخودولار.
بو جئور کی من دوشوندوم مراسم غیر رسمی دیر و بعضی معروف عاشیقلر تشریفلری یوخودور و اطلاع یوخلارویوموش و ئونا گئره شرکت ئله مه میشدیلر مراغی کندینده چوخ آداملار اظهار بی اطلاعی ئلیردیلر. (آنایوردوم مادستان)
اوُستاد شاعيري تيليم خان ۱۱۷۶- جي هجري قمري ده مرهغئي كندينده دونيايا گؤزآچميش و ۱۲۴۶- جي ايلده يئتميش ياشيندا همين مكاندا وفات ائتميشدير.
شاعر اوْزان تيليم خان اؤزونو تانيتديرماق اوچون بئله دئيير:
اؤلكه ميز عراقدير شهريميز ساوامزلقان چاييندان گؤتوردوم هاوا
عاشيقلار دردينه ائيلهرم داوا
من طبيبم هندوستاندان گليرم
بيلَنلر بيلسينلر من “تيليم” خانام
بيلمهينلر بيلسين گؤهرم كانام
مرهغئي ساكيني اصلي توٍركمانام
گزه-گزه بو جهاندان گليرم
تيليمخان، شعرلرينده اؤزونه “اصلي توٍركمانام” دئمكله اصيل و خالص تورك اوْلدوغونا افتخار ائدير، چونكو توركمان سؤزو تاريخي يازيلارين چوخوندا همان “تورك” سؤزو آنلاميندادير.
معروضهمه حكيم تيليم خانين بو شعري ايله سوْن قوياراق، تيليم خان مزاري اوٍستونده گؤزل و تيليم خانا لايق بير آبيدهنين دوٍزلمهسيني آرزولاييب ، مرهغئي كندي ساكينلرينه، منطقه اهاليسينه، ائلينه و ملّتينه باغلي آيدين اينسانلارا محكم اراده و باشاريلار ديلهييرم.
تيليم دييهر، سيرداش گَرَك
بيراها ،بير يوْلداش گَرَك
دار گوٍنومده قارداش گَرَك
آرزو ائديرم وطنيميزين بؤيوك شاعير و ائل اوْزاني”تيليم خان”ين مزاري اوْنون شخصيّتينه لايق درجهده تيكيلسين و تيليم خانين مزارينين آبيدهسي آذربايجانيميزين دونيا شُهرتلي شاعيري اوُستاد شهريار و قارداش توركمن شاعيري “مختوم قولو فراغي” مزارينين آبيدهسي كيمي تاريخي آذربايجانين گونئي بؤلومو اوْلان ساوا، همدان، اراك منطقهسينين سمبولو كيمي تانينسين، چونكو بوگون آرتيق تيليم خان آذربايجان ادبيّاتي و تورك دونياسي ادبيّاتيندا تانينميش بير شخصيّت اوْلموشدور.
تيليم خان ياراديجيليغيندا درين مضمونلو مذهبي شعرلر، ليريك، جيناس قوشمالار، گرايليلار، جيغالي تجنيسلر و آتابابا مثللريندن آلينميش و اوْنا آرتيريلميش باشقا درين معنالي سؤزلرله دوْلودوركي، بوُنلارين هاميسيني آراشديرماق و تجزيه-تحليل ائتمك اؤزل بير زامان و موقعيت طلب ائديركي، آرزو ائديرم باشقا عالِـملريميز بو حقده چاليشسينلار(حسن راشدی)
من موریده م سن منه پیر، تئلیمخان
عاشیق علی رمضانی «گونش»
باش گؤتوروب آیاغییا گلمیشه م
من موریده م سن منه پیر، تئلیمخان
ازل گوندن سنی اوستاد بیلمیشه م
من موریده م سن منه پیر، تئلیمخان
هر یئرده سن هئچ دوشمهرهی دیلیمدن
اوخویارام هر نه گلسه الیمدن
بولبوله م آیریلدیم سن تک گولومدن
من موریده م سن منه پیر، تئلیمخان
آدین داغیلیبدیر جومله جهانه
سؤزلرین ائشیده ن اولور دیوانا
شئعرلرین بیر یازیلایدی دیوانا
من موریده م سن منه پیر، تئلیمخان
موریدلرین سالدی قبرین داشینی
هامی تؤکدو گؤزدن حسرت یاشینی
گونش وئرهر سنه جان-و باشینی
من موریده م سن منه پیر، تئلیمخان
من هر زامان گلسه م مزارین اوسته
اللریمده گتیریرهره م گولدسته
ازلدن اولموشام سنه ديلبسته
من موریده م سن منه پیر، تئلیمخان
قایناقلار:
1-آنایوردوم مادستان(ائمیل)
2- یوردداش (حسن راشدی)
3-ایسلانیوز(موسوی)
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.