بیزیم چئلله ایله باهار آراسینداکی رسم لریمیز


 خوراسان تورک لرینین چئلله ایله باهار آراسینداکی رسم لری ( عنعنه)


اؤز کولتور و رسم لریمیزه ائیه چیخالیم- خوراسان تورکلری قیشی اوچ بؤلومه بؤلوردیلر:

 40 گون کاتا (بؤیوک) چئلله، 20 گون کیچیک چئلله و بیر آی و یا اوتوز گون ده امن ده من.

قیش باشلایاندا دئییردیلر: قیش اوستومیزدن باستی، گئنه قارا قیش گلدی، گئنه قارا بخت گلدی.

کیچیک چئلله باشلایاندا دئییردیلر: کاتا چئلله گئتدی، کیچیک چئلله گلدی، کاتا قارا بخت گئتدی کیچیک قارا بخت گلدی.

امن، ده من، باشلاماسی لا دئییردیلر: امن، ده من، یاخشی گلسین قازان - قازان سوت، پیس گلسین کله پاچالاری یود (و یا یوت).

بیزده چارشنبه سوری و آخیر چرشنبه یوخ ایدی و بیر گون یئنی ایل و عه ییده قالاندا آغشام چاغی هر ائوده (اؤیده) کوزه یه توپوروپ و کوچه باشیندا کوزه نی سیندیریردیلار. کوزه سیندیرماقدان سونرا اود یاخیردیلار و ساریلیغیم سنین، قیرمیزلیغین مه نین، دئیه - دئیه الوو(شعله) اوستئوندن اویان و بویانا هوپانیردیلار.

هاوا قارانغی اولاندا کیشی لر و اوغلانلار قوندا و پارچا دوزه تن توپلاری تاشدیریب گؤیه آتیردیلار و چئلله چیخدی باهار گلدی دئییردیلر و اوبیرسی گونده یئنی ایل و عیید باشلاییردی.

باهارین بیرینجی یاغشی یاغاندا "هی- هی -هی، یاغ یاغیشیم قیزلاری قوشوم، یاخشی گلسین قازان - قازان سوت، پیس گلسین کله پاچالاری یوت (و یا یود ) " دئییردیلر.

 شیروانلی -  24/11/91