زبان و ادبیات ترکان خراسان

(شعر طنز تركي درباره شب چلله)

مش قوربانعلی و چئلله گئجه سی

چیلله گئجه سی یئتیشدی یولدان

فامیل توکولوبدی ســـــاغ و سولدان

مش قوربانعلی دوشوبدی قولـدان

دورد اللی یئییر جویــــز - میلاخ دان!

خاتین گـــــوز آغـــــاردیـری قیـــراخ دان!!

سئفرایه ائدیبدی حمله شئر تک

تئز تئز یی ییری انار و پشمک

آجیللره هی ووروبدو پاتک

بوشقابی بوشالدیب اوسته - اوسته

تکجه سئچیری باداملا پوسته !

چون سینی ایچینده گلدی قارپیز

قوربان دئدی : گل بو سمته آی قیز!

قَش قَش یئدی قارپیزی آمانسیــــز

هیچ کیمسه آلانمادی الین نن

قارپیز سویی آخدی سققلین نن!

مجلس صاحابی سوسوب، قالیب واه!

گاهدان گولور: دئییر ماشاللاه!

قلبینده ولی : دئییر آی آللاه!

دورد اللی بوجور یئمه ک نه ایشدی؟

واه واه بو کیشی نه گورمه میشدی!

 بیر کیمسه یه وئرمیری ماجالی

تئز تئز سویور آلما - پرتقالی

تا کی گؤرور ائو صاحاب بو حالی

هی چئینیری هیسله دیل دوداقین:

آی قارنی شیشه بوجور قوناقین!

از بس یئدی، دال بادال چای ایشدی

قارقیش اوخی مقصده یتیشدی!

تیخماق اثرین ده قارنی شیشدی

بیردن بیره ناله سی اوجالــدی

مجلس صاحابی خطایه قالدی!

خاتین دئدی : ای وای اؤلدی قوربان!

تور ماشینی فوری یاندیر اوغلان!

تا کــــــــــــی آپـــــاراق مطبّه الآن

یئردن اونو قووزادی قوناق لار

آلدی بئلینه اوغول به ناچار

ایستیردی چیخا اتاق دان اوغلان

ائتدی الینن ایشاره قوربان

گوردو آتاسی دئییر یاواشدان:

اوچ -دؤرد تیکه حالوا اولسا خوشدی

معده م دیه سن بیر آزجا بوشدی!!

 

سعید سلیمان پور