اربعین نوحه سی
قارداش حسین گلدیم اوْیان
هئجراننگ ده اوره ییم اولدی قان
قویدوم یئرده سنئ کئتدیم گریان
گول لری اوز قاننده گوردیم غلطان
شئمرینگ جفاسین دن امان امان
قارداش حسین گلدیم اویان
اهل- ی-کین قوْیمادیلان
سنئ دفن ائدمه دیلان
شام غریبان تۇته مه دیلان
شکایت ائتمیه‌ر‌م بۇندان
اوْلدۇ منزیلیم ویران ویران
قارداش حسین گلدیم اوْیان
نه جورجفالار ائتدیلان
لشگر اطفاله حمله ائتدیلان
هر زمان قمچی ۇردێلان
اۇ جفالار چیخمس یادیمدان
قارداش حسین گلدیم اوْیان
هر رهگذر ده شامییان
جوخه بئه جوخه دۇردێلان
سنگ-ی-شماتت آتدیلان
گوزگو لری سێندیردیلان
بعضی لرخاریجی دئدیلان
بعضی‌سی طعنه ۇردێلان
قارداش حسین گلدیم اوْیان
سنده‌ن سوْرا چوْخ یانمێشم
پروانه وار اوْدلره دیشمیشم
گاه کوفه ده گاه شام دا
گزدیم حسین آواره من
اوْلدۇم عجب بی‌خانیمان
قارداش حسین گلدیم اوْیان
اهل-ی-حرم یئکسره گلدی
ماه-ی-مدینه گلمه دی
غمد‌ن راحت ائتدی اوزونی
نازلێ رقیه گلمه دی
قۇرۇ یئرده ۇردی جان
قارداش حسین گلدیم اوْیان
التماس دعا.
(برداشتی از نوحه دلریش)
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.