فصل بهارین عطری گولو یاسمن ده دیر،
بولبوللرین گؤزو اود و باغ و چمنده دیر.

هر وقت گورنده گول اوزونو ائیلرم یقین،
بوکامل اوستالیق سنه صورت چکنده دیر.

عاشیق اودور یانار اودا پروانه تک یانا،
پروانه یه صفا گونو ناره روشنده دیر.

قاچماز بلادن عاشیق اولان امتحان وئره ر،
بو امتحان حبیبینه قوربان کسنده دیر.

چوخلار دیئیرلر عاشیقم اما اینانماین،
صادق بیرامتحان اولان جاندان گئچنده دیر.

عشق عالمنده عاشیقه لازیم دئیل طبیب،
بو درده کیم دوچار اولا درمانی سنده دیر.

شادلیق زمانی عاشیقه ایستکلی یار ایله،
بیر یرده ایلشیب میلی گولگون ایچنده دیر

ذاکر اردبیلی