ائل دردی
من قرّیمه لی ده ییلدیم
یاردردی قرّیتدی منی
من چورّیمه لی ده ییلدیم
ائل دردی چورّوتدی منی
یئریم داغلارینگ باش اییدی
گوزیم گول لر اویناش اییدی
منیم اجلیم ماشییدی
ماشین دیزدن آتدی منی
من یازینان کوچه سی ایدیم
درناینان اوچه سی ایدیم
مارال اینن قچه سی ایدیم
خیابان قوروتدی منی
منی ماشین افلیج ائتدی
بو رایانه لرگیج ائتدی
منی سان بیرهویج ائتدی
کارخانه لراوتدی منی
هئچ تورمنی توتامازدی
داغ داشیمی آتامازدی
کیمسه منه باتامازدی
هجران توری توتدی منی
منی دشمن وورامازدی
یول لارمنی یورامازدی
داغ دوشیمده تورامازدی
پئس یولداش آلاتدی منی
هئچ قورخمازدیم من اجلدن
آیرولمازدیم آغورائلدن
لایلامازدیم هئچ بیراه ل دن
دوس اه لی لایلاتدی منی
اوجه بویلی چنارایدیم
اه ل چاتمازبیردیوارایدیم
اوزائلیمه خوب یارایدیم
نفاق یئلی آتدی منی
پلنگ ایدیم ائل داغینا
بلبل ایدیم ائل باغینا
قوربان ائلیم اجاقینا
کمادا ساخلاتدی منی
دونیا منی اسیرائتدی
قول لاریمی زنجیرائتدی
قاناتلاریمی گیرائتدی
کندلره جالاتدی منی
برنوویم سسدن دوشمزدی
قورد قاشیما گوریشمزدی
سودیمه سو قریشمزدی
حرام سولاراوتدی منی
من شادلیقدان هئچ دویمازدیم
گئجه باش یئره قویمازدیم
هرقافله یی سویمازدیم
آجلیگ اوباش ائتدی منی
اولسیدیم من آن ایچمزدیم
معرکه دن هئچ قچمزدیم
اوزگه گولینی بیچمزدیم
روزگار آلاتدی منی
مجلسده قیچ اوزاتمازدیم
اویناش یانینا یاتمازدیم
هئچ کیمسه یی من ساتمازدیم
دوس اوزگیه ساتدی منی
منیم غیرتیم چوخیدی
قارنیم آج گوزیم توخیدی
نامردلیگ منده یوخیدی
روزگار قورّوتدی منی
آتا اوزینه تورمازدیم
ایشدن هئچ وقت یورولمازدیم
توپ ده یسه ایدی داغیلمازدیم
تفرقه داغوتدی منی
چوبانیدیم،انسانیدیم!
آجیدیم، باایمانیدیم!
خلقه اورگ یانانیدیم
دونیا کافر ائتدی منی.
شاعر : داریوش بهرامی
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.