تورک اولماق بیلینجی

بو گون تورک سؤزو دوشمنین کابوسونا چئوریلمیشدیر. اؤزونو تورک بیلن هر کسی پتانسیل اولاراق، اؤز منفعتلرینه دوشمن بیلن، فارس شوونیزمی ادعا اولونانلارین تام ترسینه هئچ ده بو مؤضودا تولئرانت لیق گؤسترمیر. تام ترسینه، تورک دوشمنلیی اساسیندا بوتون جناحلاری و آخیملاری بیرلشه رک، بو کیملیین محو اولماسینا سؤز بیرلییی ائتمیشجه سینه، بوتون ایمکانلارینی سفربر ائده رک، آچیق بیر موباریزه حالیندا دیرلار. فرقی یوخدور بونلار BBC ده اولان پان ایرانیستلر اولسون لار یا "مهرنامه" ده کی سؤزده اصلاح طلب لر. لس آنجلس ده کی شاهچیلار اولسون لار یا قم داکی "جبهه پایداری" لر.

مسئله بودور کی شونیزمین آیاق اوسته دورماسی اوچون آزربایجان تورک میلتینین کیملییی دانیلمالی و وارلیغی آیاق لار آلتیندا ازیلمه لی دیر. چونکی اؤزونو ده یرلندیریب و کیملیینی درک ائدن بیر تورک میلتی، هئچ بیر یابانجی بویوندوروغونا گیرمه یی قبول ائتمز.

بیر چوخ آدامین دوشوندویونون ترسینه، میلی بیلینج لنمه دؤرو بیتمه میش دیر،و هئچ زاماندا هئچ بیر توپلومدا بیتمز. هر زامان میلی بیلینجی گوجلندیرمک و یایماق تمل اولاراق میلی قوه لرین ان بؤیوک و واز کئچیلمز مسؤلیتی دیر. بو ایسه آزربایجان تورک میلتینین ان بؤیوک قورخوسودور. چونکی اونلار ایسته ییرلر، میلییتچیلیک بیزده یالنیز بیر دؤوران و بیر نسله مخصوص اولسون و بیر سوره سونرا اونودولوب گئتسین. ائله بوناگؤره ده تورکم دئین هر کسدن قورخوب و اونو بیر یوللا سوسدورماغا چالیشیرلار. چونکی دوشمن یاخشی بیلیر نسیلدن، نسیله بوراخیلان دوشونجه و یول بیر توپلوم ایچینده اؤزونه یئر آچیب و اوزون سوره لی یاشاماسی داها محتمل ساییلیر. و اوزامانا دک کی تورک آدی وار، تورکلوک ده وار و تورکچولوک ده اولاجاق.......