قربان بايرام خاطيره سي
قربان بايرام ده قربان شو خاطيره سي
(بجنورد - گريوان لهجه سي)
ياخشئ باديمده دي چاغاليق ده (1340 -1330 ش) آتامنان گريوان قعله سينده حمامه گئدرديم. بير گين قوربان گينئ ايدي، آتام حمامده منه قوربان شو ايركدير دي. بو جوره ديدي :
1- ايله ي جه ن نيت قوبانشو ائد
2- اوول سو توكدو باشيمه و دئدي باشينگئ، قلاغ لرينگ ايچ ني دالي سئ نئ، بوي نينگئ يوو و سودن چك
3- دئدي : ساغ الينگئ كئته يوخاري. منده اليمي كئتردئم يوخاري و سو توكدو و دئدي : بدنين ياري سينئ يعني اوول ساغ طرفئ يوخاريدن تا آچاغي يه چان يو و سودن چك .
4- دئدي : سول (چپ)الينگئ كئته يوخاري و سو توكدو و دئدي : بدنين ياري سينئ يعني سول طرفئ يوخاريدن تا آچاغي يه چان يوو و سودن چك
5- دئدي :اندي ديز دور و باشيمدن تا آياغيمه چان سو توكدو و دئدي : اندي بوتون بدنينئ يوو و سودن چك.
حمامدن چيخاندان سونرا گئدي مچيده نماز قوربان جماعتينه. منه مچيدده نماز قوربان اوخوماغي ايركت دي.
نمازدن سونرا كئدي ائوميزه. آتام بير ايتدي پيچاق من بيردي دئدي : بونو ائرت بئر قعله نينگ ملاسينه و دئ : قوربان دوعاسئ نئ اوخوسون. اونونن سونرا بير قوچ كسدئ و قورباليق ائدي. اونون اتينئ قوهوم – قونشونلارا پايلاشدئ.
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.