قالامیزدا آنامین تندیرنینگ خاطره سئ

من قالامیزدا (گریوان دا بجنوردینگ آراسین دا)، گؤزآچدیم دونیایا، دیل آچدیم دانیشماغا و دانیشدیم وآنامین لای - لای لارین دان آوا و نوا اؤیره ندیم و نغمه لراوخودوم. گٶنلرین بیر گٶنونده، تندیریمیزین تؤكولوب داغیلان چاغیندا، آنام دئدی: آی منیم نازلی بالام، بیزیم تندیریمیز آرتیق داها تؤكولوبدئ و تماما داغیلیب دیئ، گه ل گئد ه ی(ك) تندیراوچون تورپاق گتیره ی (ك) و یئنیندن بیر تندیر قایارتای. دئدیم: آنا جان تندیر تورپاغی نه جئردئ ؟ آنام دئدی: بالام جان بو بیرقیرمیزی تورپاق دی کئ اوندان یاخشی پالچیغی اولار. اونن و گؤزل تندیرقوی لار. بزیم قالادا بو تورپاغا، تندیرتورپاغئ دئییرلان. آنجاق بیز یولا دوشدی، گریوانینگ قبله تاییندا بیرتپه بارییدی، بیز تپه یه دوغرو یولاندی و اورا یئتیشدی. تپه نین چوخلو یئرلری قازیق- قازیق ایدودیلان. من آنام دان سوروشدوم:

 آناجان بو تپه نمه چون بؤجورقازیلیب دی، آنام سؤی لدی: اوغول بالام، بو تپه نین تورپاغی، چوخ یاخشی قیرمیزی تورپاق اولدوغواوچون قالانین هامیسی خلقی، بوردان تورپاق آپاریرلان. آنام لا بیرلیكده تورپاغی قازدی.  بیرائششكینگ خورجین نی دولدوردو و اونا یوكله دی منئ اونون اوستنه میندیردی. بیزائوه قاییدی. ائوده باشلادی پالچیق توتماغا و پالچیغی بول له دی آیاق لاماغا، بیرگوندان سونرا، پالچیق یئتیشندن سونرا، آنام باشلادی تندیری قویماغا و اونو دوزلتماغا، آنجاق تندیردوزلدی و اونون اوز یئرینده قویاندن سونرا، دوره سیندا داش قویدی تا بیتدی. آنام تندیرده اود یاندیردی اونون پالچیغینی بیشیریب و ساخسی(سفال) دا بركیتدی. بیرگوندان سونرا دا خمیردوزلدیب چورك یاپدی، آنام تندیریمیزده اون ایکی سانی (نوع) چؤره ی (ك) یاپاردی:1-ساج لاواشی(یوخه) 2- تندیرلاواشی و اون سانی آیرئ قالین چؤره ك : 1- یالین قالین (خمیریله اولونموش قالین چؤره ك)، 2- یاغلی فتیر (ساری یاغ ایله دوزلمیش خمیردن اولونان قالین چؤره ك)، 3- سوت فتیری (سوت ایله اولونموش خمیردن اولونان قالین چؤره ك) 4- قاتیق فتیری (یالین خمیرین اوزونه قاتیق یاخیب اونو قالین یاپاردی و بو فتیر هامی سیندان آرتیق قیزا راردی)، 5- قاتلاما فتیر ئ 6- مسکه لئ فتیرئ 7- قاق فتیرئ 8- کوماچ فتیرئ 9- چریش لی فتیرئ 10- ته ته (tƏ tƏ)  (بو قالین چؤره یی ده اؤزل لیكله یازچاغیندا داغ تره سینین واختین دا یاپاردی. آنام گئدیب داغ دان یئملی اوتلار دان او جمله دن: یاغلیجا، قاز آیاغی، سیغیر دیلی، چئریش و باشقا دادلی – یئملی اوتلاردان دریب، گتیریبدی و خمیرین ایچینه ایله جوزغاله نن قویوب و بیرقالین و کاتا(بؤیوك) چؤرك یاپاردی بو قالین چؤرك هامی سین دان دادلی اولاردی. بو چؤره ی(ك)لرجون، قالامیزینگ سو دییرمانین دا بوقدئ اون ائدیب دیلن. بو اونلار كپكلی(سبوس دار)اولاردیلار. یاناجاق لاری آغاج و قورو تزك (حئیوان لارین فضولاتی) لرنن تندیردا اودائدیب دیلن. آنامین تندیرینده چوخ لو شیرین آنلاریم اولوبددی، یازایله یای دا ایچئ باغر کابابی، ات كابابی، یئرآلما كابابی بیشیررردی، پاییزایله قیش دا ایسه چؤرك یاپاندان سونرا هامی میز بیرلیكده آیاقلاریمیزی تندیره ساللاییب، آنام ایسه بیزه ناغیل دئیردی. كاش او گون لر بیر ده قاییت سایدی! ...كاش! رحمت لئ آنامینگ یادئ خیراواسین.