خَریدار اوْلماسا

«خَریدار اوْلماسا»

نئیله‌رَم اوْل جَنَّتی، ایچینده دِلدار اوْلماسا،

قوْی آنێ ویرانه قالسێن، باخچادا بار اوْلماسا.

غَفلَت اَهلی قالدێ حَق‌دَن شؤیله بیل کیم، بی‌نَصیب،

قاندا دیدارێ گؤرۆر، اوْل بۇندا بیدار اوْلماسا.

دُنیادا عاشِق اوْلان گئیدی مَلامَت دوْنۇنۇ،

هَر یئتَن عاشِق اوْلۇرمۇ، دَرد آنا کار اوْلماسا؟

عاشِقین مِیدان‌دا باشی توْپ یئرینه چالێنێر،

باشێنێ مِیدانا قوْیماز، کیم کی، سَردار اوْلماسا.

دوْغرۇلۇق دوْست قاپێسێدێر، دوْغرۇ گَل گیر بۇ یوْلا،

اَگری مِیدان‌دا اۇتانێر، اوْندا اِقرار اوْلماسا.

اِی خَتائی!، گوهَری خَرج ائیله‌مه نادانه سَن،

گوهَرین قَدرینی بیلمَز، گَر خَریدار اوْلماسا.

«شاه اسماعیل ختائی»