قاشقائی بیلیجی سی اوستاد اسداله مردانی رحیمی

« قاشقائی بیلیجی سی اوستاد اسداله مردانی رحیمی" گئچان ایلدا بیرگون منه قوناق اولوب و منیم بوینومنا چوخ حقی وار، کیتاب ایننان چوخ سؤزلرینگ آنگلامینی و دوز یازمایینی اؤرگنمیشه م. بوردا اؤزومه گؤردوم کی حقینی ادا ائتمیش اولام و بیر کومّوجا ایش حققینن ائیله میش اولام.»

اوستاد اسداله مردانی رحیمی نین کیتابلاری :

1- قاشقايي سؤزلوگو (فرهنگ لغات و اصطلاحات تركي قشقايي)

2- آساناكلار(ترانه هاي تركي قشقايي)

3- آتالار سؤزو (ضرب المثل هاي تركي قشقايي)

4- زبان تركي قشقايي و شيوه نگارش آن

5- خود آموز زبان تركي قشقايي و مباني دستور آن

6- فرهنگ نام های اصیل ایرانی (شاخه ترکی قشقایی)

ارسلان میرزایی قاشقائی نینگ چاغداش شاعیری بیر ده ییرلی ایش گؤرموش و بو بؤیوک کیشی حققینه بیر گؤزه ل ایر(ییر) قوشموش:


سلام سنه ائل کیشی سی          من سنه قوشما یازارام
صبرینگی بیر داغ کیمی من           عزمینگی دریا یازارم
سن دیلیمی کیتاب ائتدینگ           عیشقی "پا به" ریکاب ائتدینگ
ائلیمه جان خطاب ائتدینگ             من سنی دونیا یازارام
عیشقینگ اوره گ ایسی وئرر        جان گله جگ ایسی وئرر
الیم چیچک ایسی وئرر                 آدینگی من تا یازارام
سن ده ییرلی عام سؤزونو             او قدیم کی شام سؤزونو
یازمیشانگ آتام سؤزونو                 من سنه آتا یازارام
گؤردوم ائله جان وئریرنگ               ائلده اؤله جان وئریرنگ
آغزدا دیله جان وئریرنگ                 روحونگو عیسا یازارام
سن اولوسوم سؤزلوگونو              ائل، مونوسوم سؤزلوگونو
رسم و روسوم سؤزلوگونو             یازمیشانگ آیا، یازارام
چاغیردام شاه_ ی مردانی            بیزیم ائل شاهی، مردانی
اولمایا غم پریشانی                     یوز داها_ ثانا یازارام
ارسلانینگ سؤزو سننگ               سن عیشقیمینگ اؤزو سننگ
                           آغیر ائلینگ گؤزو سننگ
                            من سنه قوشما یازارام