آغلاتمامنی.......
دیدیم: ای غنچه دهن، کونلومی قان ائیله‌میسن!
دیدی: «بی‌جا یئره عشقمده فغان ائیله‌میسن»!
دیدیم: انصاف ائیله اینجیتمه منی عاشقینم...
دیدی: «گئت!،سرّیمی دنیایه عیان ائیله‌میسن»
دیدیم: آغلاتما منی سرو بویون شوقینده!
دیدی: «گوز یاشینی بیهوده روان ائیله‌میسن»
دیدیم: آخر گوزلیم، باغ و بهاریم سنسن
دیدی: «سن عمرینی حسرتله خزان ائیله‌میسن»
دیدیم: آز چکمه‌میشم گوزلرینین حسرتینی
دیدی: «اؤز کونلونی یئر سیز نگران ائیله‌میسن»
دیدیم: عشقینده اسیرم، منه بس خیری نه‌دیر؟
دیدی: «اولده بو سوداده زیان ائیله‌میسن»
دیدیم: عشق آتشی نیلر منه؟ قورخان ده‌گیلم
دیدی: «بیچاره یانارسان! نه گومان ائیله میسن»؟
دیدیم: ای گل! من ازلدن‌ده گوزه‌ل عاشقیم
دیدی: «سن روحینی عشق‌ائیله جوان ائیله‌میسن»
دیدیم: هر گون سر کوی‌ینده دولانماقدر ایشیم
دیدی: «واحد، نه گوزه‌ل یئرده مکان ائیله‌میسن»
شعر :از استاد علی آقا واحد
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.