حاضير جواب لار

 1- سقراط اؤلومه محكوم اولدوغو زمان حيات يولداشي اونا:

-ناحاق يئره اؤلدورولورسن، دئيه آغلاماغا باشلايير؛ سقراط ايسه دئيير:

ايسته­ييردين، حاقلي يئره اولدورولم!

۲- دونيانینگ نعمت­لرينه اهمّت وئرمه­ين، ‌ياشاييشي و فلسفسه­سي ايله مشهور فيلوسوف « ديوژئن » ، بير گون چوخ دار كوچه­ده زنگين­ليگيندن باشقا هئچ نه­يي اولمايان لووغا بير آداملا توش گلير. ايكي­سيندن بيري چكيلمه­ديكده كئچمك ممكن دئييلدير.

مغرور زنگین، خوْر گؤردويو فيلوسوفا دئيير:

- « من بير سرسري­نين اؤنوندن كنارا چكيلمه رم»

ديوژئن، كنارا چكيله­رك چوخ دينج و ترخت! بير شكيلده دئيير: من چكيله رم!!

  3 - مشهور بير فيلوسوفا دئييرلر:

- ثروت آياقلارينيزين آلتيندا ايكن نييه بو قدر يوخسولسونوز؟

او دئيير:

- اونو گؤتورمه­يه اَييلمك لازيم­دير، من ايسه اَييلمه رم.

  4 - قولاقلاري­نين بؤيوكلويو ايله مشهور اولان گاليله­يه دوشمن­لريندن بيری دئيير:

معلّم، قولاقلارينيز، بير انسان اوچون بير آ‍ز بؤيوك دئييلمي؟

گاليله دئيير:

دوز دئييرسيز، منيم قولاقلاريم بير انسان اوچون بير آز بؤيوكدور آمّا، سيزين قولاقلارينيز بير ائششك اوچون چوخ كيچيك­ دئييلمي؟

  5 - فرانسه حكومتي­نين رجاليندان بيری ناپئلونا بير محاربه ده تنقيد ائده­رك، بارماغيني خريطه اوزرينده گزديررك دئيير:

- اوّلجه بوراني آلمالي ايدينيز، سونرا بورادان كئچه­رك او بيريني ضبط ائتمه­ليدينيز، كيمي فيكيرلز سؤيله­يير.

ناپئلون : تماميله دوز بويورسونوز- بلي- اونلار هاميسي بارماقلا آلينسايدي من ده سيزين كيمي ائدرديم.

 6 - بؤيوك بير توپلانتي زماني، گنج بير اوغلان محمد عاكفي آلچاتماق اوچون دئيير:

- باغيشلايين، سيز بايتارسينيزمي؟ محمد عاكف اوز وقاريني پوزمادان بئله جواب وئرير: بير يئرينيزمي آغرييير؟

  7 - سلطان سليم بير چوخ عثمانلي شاهلاري كيمي هجوم ائده­جك اؤلكه­ني ياخينلاريندان گيزلي ساخلارميش. بير دفعه هجوما حاضيرلارشاركن، وزيرلري­نين بير چوخ اصرار ايله هارايا هجوم ائده­جكلريني سوروشور. سلطان سليم اونا دئيير: سرّ ساخلاماغي باجاريرسانمي؟ وزير دئيير: -بلي. حكمداريم باجاريرام. سلطان سليم دايانمادان دئيير: - من ده باجاريرام.

  8 - بير فيلوسوفا دئميشلر: شانسا (شانس) اينانيرسينيزمي؟ فيلوسوف: - بلي، يوخسا سئومه­ديگيم انسانلارين باجاريق و نائيليّتيني نه ­ايله ايضاح ائدرديم.

  9 - سلطان آلپ ارسلان 27-مين نفرليك بيراوردو ايله بيزانس تورپاق لاريندا ايره­لي­لركن، كشفه گؤندرديگي بير عسگر حضورونا گليب و دئيير: سلطانيم، بيزانس اوردوسو 300-مين عسگرله بيزه  دوغرو گليرلر.. آلپ ارسلان اؤزون اوتوزمادان، دينج و ترخت ! بير شكيلده دئيير:‌- بيزده اونلارا ياخينلاشيريق.

  10 - مسجيدده وعظ ائدن بير واعظه دئييرلر: ميزره! آت ناليني ائويميزين قاپيسيندان آسيرساق،‌ بيزه اوغور گتيريرمي؟

ميرزة دئيير: -منجه يوخ. او ناللاردان هر آت­دا دؤردو وار آمّا، سحردن آخشاما دك قامچيلانير.

  11 - مشهور يازيچي كازانتزاكيس، بير قوجايا نه­يه باخيرسان دئيه سوروشدوقدا، قوجا گؤزلريني باخديغي آخار سودان آييرمادان بو جوابي وئرير:

 -حياتيمي سئير ائديرم، آخيب گئدن حياتيمي.