سفری خیالی به تورکیه شهریار
شعر استاد شهریار با عنوان " سفری خیالی به تورکیه" شامل مضامینی از استاد با محتوای تاکید بر هویت تورکی خودش و همتبارانش در تورکیه و یادی از شخصیتهای برجستهای چون آتاتورک، فیکرت، آکیف و ... و اشاره به تکهتکه شدن سرزمین تورکها و آزربایجان و حاوی نکات تاریخی مختلفی چون اشاره به خواستهی قلبی نادرشاه مبنی بر اتحاد تورکان و...، که تقدیم دوستداران این استاد بزرگ آزربایجانی و تورک میشود:
گلمیشم نازلی هیلال اولکهسینه
فیکرتین اینجه خیال اولکهسینه
آکیفین مارشی یاشاردیب گوزومو
باخیرام یحیی کمال اولکهسینه
اِوِت ایسلام اوجاقی تورکیادیر
بیر مصلیسی ایاصوفیادیر
بوردا رومی گیبی عاریفلر وار
صوفیلر عابدهسی قونیادیر
گورونور پردهسین آخدیقچا خیال
باشدا فیکرتله دوروب یحیی کمال
سون ادیبلر صفیدیر باخ نه جمال
شهریاردان نه آغیر ایستیقبال!
بیر هیلال پارلییاراق اولدو گونش
بیر ساچاخلی گونش ،ایحلام آدلی
قول قانات آچدی گئنیش بیر مولکه
"امپراطوریِ تورکان آدلی"
دنیزی قالدیریب آلمیش بئلینه
سانکی سیمرغ خیالیم اوجالیر
لکن اولدوقدا داها مست جمال
تیترهییر حملینی اَیدیکده جالیر
باخیشیم قول قانات آچدیقجا اوچور
گوز دئییر قوی هله باخدیقجا باخیم
بو افقلرده سئوینجک قاریشیب
شفقین آرخینا آخدیقجا آخیم
دئییرم آکیفایله گاه جوماییم
افقون جیلوهی ماوییتینه
گاه آتامدان قول آلیب یوکسهلهییم
باخاییم فیکرتین حرییتینه
طومار آچدیقجا خیال فیلملری
جالانیب بوردا آغیر بیر تاریخ
توزلو قانلی بوغونوق توفانلار
سانکی گوزلر دومان ایچره مرّیخ
هر یئرین توپراغی بیر شئی بئسلر
بورادا دوغروسو "غیرت" کانیدیر
بوردا داشدان چوخ ایگیت لر سوموگو
چشمهدن بوللو شهیدلر قانیدیر
گورورم فاتحی ائتمکده هجوم
اوخونوب فاتحهی" دولت روم"
شانلی داغلار اوجالیقلار گورورم
یئنه بیر چوخ درهلر،چوخ اوچوروم
گورورم بیر ابدی عزت و شان
گلهجک فخری اولان بیر گئچهجک
یوخ بو میللت بو حقیقت ئولمز
چاتاجاخ خضرینه جامین ایچهجک
دوزولوپ سانکی بو بالکنلاردا
گینه شاهلار تاجی بئیلر فسیدیر
قولاغ آسسان بو افقلرده هنوز
پاشالار نعرهسی عسگر سسیدیر
او گوزللر گوزلی "ایستانبول"
او دنیزلر قیزی دریا گلینی
سانکی دریا چیچگی"نیلوفر"
قول آچیب ساحله آتمیش الینی
بوردا سون بیر مدنیت یارانیب
نه بنالار یاپیلیب اللر وار
نه جلالت نه صلابت عَلَمی
"آتاتورک"لر گیبی هیکللر وار
شرقی غربی مدنیت قاووشوب
بیر اصیل نسلی بو توپراقدا دوغور
معرفتدن قول آلیب عزت نفس
جهلی فقری، دوغولان یئرده بوغور
غربت احساس ائلهمم من بورادا
سانکی ئوز دوغما دیاریمدی منیم
نرهده واردی قارینداشلاریمیز
آنایوردومدور حصاریمدی منیم
منده آزر بالاسی تورک اوغلو
قوناغام دوغما قارینداشلاریما
دئمیشم آیری دوشن لشگریمی
گئدئییم وصل ائدئییم باشلاریما
"دیلی ،دینی، قانی" بیر قارداشیدیق
سوزو بیر دینلهسه آغلار تاریخ
ایشده محکوم ائدهرک باشچیلاری
قارا میللتلری داغلار تاریخ
بیزده سیز تک دینه لاقید اولالی
گئتدی یئرلر، بیزه گویلر قالدی
شققهلندیک! هره بیر تایدا دوشوب!
بیر کسیگ باش گیبی سویلر قالدی
گل سیخاق بیر کره قارداشلیق الین
لعن ائدهک ناخلف اسلافیمیزه
بونو"نادر" او واکیت دویموشیدو
قوی محبت قالا اخلافیمیزه
اوبالار شاعیرییم دردیمیزی
دویورام چوخدا درین دویغودو بو
باش توتا توتمایا ئوز دویغوملا
اویورام چوخدا شیرین اویقودو بو
گورورم آی نازلی هیلالیم سانجاق
پارلاسین گئت گئده بو سونمز اوجاق
دئمیرم بیز قول ائدهک دونیانی!
دونیا آرتیق بیزی "انسان"ساناجاق
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.