زبان و ادبیات ترکان خراسان

اؤزدیلیمده سؤز یازاندا

چوخ سئوینیب شنله نیرم، اؤزدیلیمده سوز یازاندا.

بولبول کیمی دین له نیرم، اؤز دیلیمده سوز یازاندا.

چوخ شیرین دیر انا دیلیم، قربان اولوم من بو دیله.

دنیز کیمی چاغلایئیرام، اؤز دیلیمده سوز یازاندا.

هر آن بو یورقون جانیما،  جان باغیشلیر آنا دیلیم.

بیر گولومدن مین گول آچیر، اؤز دیلیمده سؤز یازاندا.

چشمه لردن آخان سو تک، دوم دورودور آنا دیلیم

بولاخ کیمی قاینییرام، اؤز دیلیمده سؤز یازاندا.

چوخ گؤزه ل دیر گؤزلر کیمی، دادلی شیرین سؤزلر کیمی

سؤزله نیرم سازلار کیمی، اؤز دیلیمده سؤز یازاندا.

عمروم گونوم گوندوزومدی، سئوگیم سئودام سئوگیلیم دی.

گووه نیرم قاینایئیرام، اؤوز دیلیمده سؤز یازاندا.

باش باهاریم باش یازیم دیر، دادلی دوزلی اوازیم دیر.

 غملر قاچیر اوره گیمدن، اؤز دیلیمده سؤز یازاندا.

چوخ ایستیره م اوچام قاچام، تورکون ائللرینده.

قیزل گول تک عطیر ساچام، اؤز دیلیمده سؤز یازاندا.

اوندان سونرا محبتدن، دویغو دولو حرارتدن.

دِنیز کیمی جوشوب داشام، اؤز دیلیمده سؤز یازاندا.

هر بیر ائلین بیر داغی وار، بؤیوک یوکسک دایاغی وار.

منه سؤنمز چراغ دیلدیر، اؤز دیلیمده سؤز یازاندا.

سئوینیرم وارلیغیما، چونکی دیلیم وارلیغیمدیر.

داردان قاچوب قورتولورام، اؤز دیلیمده سؤز یازاندا.

آتام آنام یوردوم یووام، یاشیل کوینک ائلیم اوبام.

قلم کیمی چیچکله نیر، اؤز دیلیمده سؤز یازاندا.

گؤزلریمدن آخان یاشلار، گؤزه ل گؤزه ل قلم قاشلار.

اوره ک سئون سؤیله ییرلر، اؤز دیلیمده سؤز یازاندا.

کور اوغلودان قوچ نبی دن، فضولی دن شهریاردان .

فخر ائده ره ک سؤز یازیرام، اؤز دیلیمده سؤز یازاندا.

گویده قانات آچیر قلم، چیرکینلیکدن قاچیر قلم.

گول تک عطیر ساچیر قلم، اؤز دیلیمده سؤز یازاندا.

داماریمدا قان قایناییر، گؤزلریمده جان قایناییر.

سؤزوم دئیر: یان قایناییر، اؤز دیلیمده سؤز یازاندا.

گونش کیمی شاخیر سؤزوم، چایلار کیمی آخیر سؤزوم.

هئچ بیَنمیر پاخیر سؤزوم، اؤز ائیلیمده سؤز یازاندا.

نه اولار گوروم اوجالیغین، اوزون عومرون قوجالیغین.

یالواریرام اؤز تانریما، اؤز دیلیمده سؤز یازاندا.

.

نقل از: کلوپ پسرا و دخترای تبریز.