باشا باش
آ بی مروت، حسرتینی چکمکدن
ایللر ایله خسته دوشدوم باشا باش
من عاشیغام باشا باش
اوخو درسین باشا باش
عشقیندن سمندرم
اودا یاندیم باشا باش
" جان " دئیه نه ، " جان" دئه گینن مردانا
باش قویانین ، قوی یولوندا باشا باش .


سندن آیری هاچان گِئیسَم آل ، اینجی
گِئیینیبسَن ، یار ، قددینه آل ، اینجی
من عاشیغام آل اینجی
گِئی قددینه آل ، اینجی
دوستا خیانت اولماز
قورما منه آل ، اینجی
بیر جانیم وار، آلاجاقسان آل ، اینجی
بیر بوسه وئر ، سئودا ووراق باشا باش

علسگرم دردیم بودو آی آغا
عِئینیم یاشی نئیسان کیمی آ یاغا
من عاشیغام آی آغا
پیلته یانار آ یاغا
مرد سؤزون اوزه سؤیلر
هئچ یاپیشماز آیاغا
گاه باش اولان، گاهدا دوشَر آیاغا
کیمسه وورماز فلک ایله باشا باش .

عاشیق علسگر گؤیچه لی