بزیم یوردومیزدا باشقا یئرلری کیمی آخیر چرشنبه و ایل بایرامی(عیید) قارشیلاماق اوچون گریوان - بجنورددا چوخلو اورتاق عادتلری وار. اونلارین هامیسی آچیقلاییب یازماق بو قیسا یازدا یئرلشمه یه جک. آنجاق خلله خلته(شال) سالاماق قایداسی و کوزه سیندیرماقدان قولاق آسما و بو کیمی دبلرین گٶرکملی حکایه سی اولاردی. هابله بایرام گونلرینده قارابایرامی اولانلاری یادا سالیب و کاتالاری یادا سالیب و اونلارین گٶروشونه گئتمک ده چوخ بینیلن دبلردن دیر کی هله ده واردی. اخیر چرشنبه گونو سحر تئزدن هاوا ایشقلانمادان آخار سو (چشمه کهریز چای و...) باشینا گئتمک-آخیر چرشنبه آخشامی یاسلی آدامین ائوینه گئتمک- آخیر چرشنبه آخشام اودیادیرماق -آخیرچرشنبه تاباق اداخلیلارا آپارماق- کوزه سیندیرماق- برکتلردن یئدی سین قوماق-بایراملیق وئر آلماق-یوموتا اویونوماق - خان خان اویونوماق – عییدگاه ده اویونوماق - آت چایشدیرماق مراسیمینه باخ ماق، چاغالار و کاتالار اوچون گٶزل بیر خاطیره ایدی. قدیم لرده خلقین اینامی بئله ایدی کی دونیا هرایل بیردن اٶن ایکی حیوانین اٶستونده دولانیر و او حیوانین طبع و خویی او ایل خلقین حالینا اثرقٶیردی. تاسفلر اولسون ایندی حاصارلانیب هم ده بو گٶزل حماسی دب ندسه آرادان گٶتوروب.

  

ائولري تميزلمک :بیر آی عییدده قالاندا ائولري تميزلمگه باشلارديلار و هیسینی آلارديلار. لواسلاری (پالتارلاري) يووراديلار و هیس آلما دوام تاپاردي. عییدده بیر هفته قالاندا ده توكلرين اوجلارين وورارديلار. گؤيلرين باشين ووراديلار.

گؤي گؤيرتمه واختي

بايراما اون بئش گون قالان، باشلارديلار، گؤي گؤيرتمگه. قديملر ائولر سويوق اولدوغونا و گؤيون بايرام گونونه حاضرلاشماسينا گؤره بو قدر تئز گؤيرتمگه باشلارديلار.

اود یاندیرماق و چله چیخدی دبلر

اؤز کولتورئل لر و رسم لریمیزه (دبدبه/عنعبه لریمیزه) ائیه چیخالیم- خوراسان تورکلریین ده چهارشنبه سوری و آخیر چرشنبه یوخ ایدی و بیر گون یئنی ایل و عییده قالاندا آقشام چاغی هرائوده کوزه یه توپوروپ و کوچه باشین دا کوزه نی سیندیریردیلار. کوزه سیندیرماقدان سونرا اود یاخیردیلار و ساریلیغیم سنین، قیرمیزلیغین مه نین دئیه - دئیه الوو اوستئوندن اویان و بویانا هوپانیردیلار.


هوا قارانقی اولاندا کیشی لر و اوغلانلار قوندا و پارچا دوزه تن توپلاری نفته وئریب و تاشدیریب گؤیه آتیردیلار و چئلله چیخدی بهار گلدی دئییردیلر و اوبیرسی گونده یئنی ایل و عیید باشلاییردی.

بو گونده آخشام چاغی اود یاندیرراردیلان اوستوندن آتيلاراق، بئله دئيه­رديلر:

ساریلیغیم سنینکی، / قیرمیزلیغین منیمکی

 آتيل، ماتيل چرشنبه / گون كيمي بختيم آچيل چرشنبه

و دئيه ­رديلر: آللاه گلن گونلريميزي خير ائله­سين، بختيميزي آچسين. آغزي شيرينليگه چيخاق و آيدينليق اولسون.


چرشنبه خونچاسيندا بونلار اولارميش، بوغدا، كشمش، قند، قووورقا، حالوا، سمني، ايیده، قوز، الوان شيرنيلر. يومورتالاري بويارديلار(رنگ می کردند). بايرام آييندا(اسفند ماه)، اؤزلليكله­ ده چرشنبه لري يومورتا چاققيش ديرارديلار(بهم می زدند) و يومورتاسي سينا اوتوزاردي(می سوخت).

نشانلي اوغلانلارا کولته(کلاه) و جوراب توخويارديلار. گلينلره­ايسه، قرمزي مخملی پارچا آپارارديلار. بير مجمعه­ يه کله قند،ساری یاغ،كشمش، بادام، قوز، ايگده و ... قويوب و اوستونه قرمز پارچا چكيب، قيز ائوينه پاي گوندراردیلار( ارسال می کردند). بوخاری لاردان (باجالاردان) خله خلته (شال) ساللارديلار، بگ ساللايان شالي قيز ائوي تانييب، همن جوراب و پول اوغلانا پاي وئررديلر.

قاپي داليسیندا قولاق آسما دبي و سو سپمه دبي

چرشنبه آخشامي بير ليوان سو الده، گئدرديلر قاپي دالينا و قولاق قويارديلار. ائوده­كيلرده گرك خوش سؤزلر دانيشارديلار. مثلا دئيه­رديلر: آي قيز او حناني گتير، اليميزه قوياق.- او شيرنيلردن گتير آغزيمي شيرينله­دك. – بير چاي قويون، آغزيميز شيرين اولسون. قولاق آساندا سئوينيب دئيه­ردي، آغزينيز شيرين اولسون، گلن گونلري خوش و آيدينليقلا اولسون. سونرا اللرينده­كي سويو قاپيا و يا باجايا سپيب گئدرديلر و دئيه­ريدلر ، كئچن گونلريميز كئچدي گئتدي، آللاه گلن گونلريميزي آيدين و خوش ائله­ين. ائولرده گول ايله آينا قويارديلار.


چرشنبه گونونده سو گتيرمه دبلري

بو گونده  كوزه ده بولقدان(ازچشمه) سو گتيررديلر. او گتيريلن كوزه­ گرك يئره قويولمايايدي. او كوزه­ني بايرام گونو گلندجایا (چاتينتجايا) قدر بير بوشقابين ايچينه قويارديلار. قديملر ايلده بير يول دويو(برنج) بيشيررديلر. همن او كوزه ده­كي سويو، عیید(بايرام) پيلووونون اوستونه، تؤكرديلر و دئيه­رديلر: گلن گونلريميز آيدين اولسون.

سو قيراغينا گئديليردي و شيرني آپارارديلار(می بردند). كوزه يه تپه جك تيكرديلر و كوزه نين باشينا قويارديلار. گئده-گئده بو سؤزلر اوخوناردي:

بوردان بير يول وار دول ديزه­ سينه

اوردان سو دولدورور يار كوزه­ سينه

سونرا اؤزلري ايله شيريني و يا قند آپارارديلار و ديشله ييب سويا آتاراق بئله دئيه­ رديلر:

بيز سنين آغزيني شيرين ائله ­ديك، سنده گلن ايل بو زاماناچان بيزيم آغزيميزي شيرين ائله.

قيز-گلين­لر سورمه آپارارديلار سو قيراغينا گؤزلرينه چكرديلر سو دیزه سیده بئله دئيه­ رديلر: آللاه گلن ايلده گونلريميز خوش اولسون. یاخشي سؤزلره نيت ائدرديلر.

آخرچرشنبه نين ائولری آغارتماق ماجراسي

او زامانلار آغارتما يوخ ايدي. گئدرديلر،قارغا دوزی و آغ تورپاق گتيريب وتشته توتارديلار. بو آغ تورپاق و سوپورگه­ايله چيرپما چيپارديلار. اوتاق آغاراندان سونرا، ال لارینی ي اونا و شيره­يه باتيريب و تاخچالارين دوره­سينده ناققيش چكرديلر. سونرا تاخچالارين آراسيندا چرشنبه ننه چكرديلر، او چرشنبه ننه­نين آغزينا بير دنه يئميش قويارديلار. اونون آغزيندا يئميش اولدوغو حالدا، انسانلاريندا آغزي شيرين اولماسينا اعتقاد وار ايدي.


اؤلولر(یاسلی لر) بايرامي و قره بايرام

ايلين آخير 5شنبه­سيني اؤلولر بايرامي توتارديلار و گئديب قبرلري زيارت ائدرديلر. قره بايراملاردادا ايلين آخير گونونده اوتورارميشلار، يعني كؤهنه ايله سالارميشلار. بوگونلرده شيرنيات قويمازلار. فقط بير استكان چاي و حالوا ایله خرما اولاردي.

یئنی ايل تحويلي

قوران(قرآن)، شيريني، گؤي(سبزی)، آينا قويارديلار. دوعا اوخويوب و صلوات چئويريرديلر.

ايل تحويل اولدوغو گون، اولباشدا هامی قبر اوستونا گیدیب دوعا فاتحه اوخويوب و صلوات چئويريرديلر. همامی بیربینین اٶزونو اوپ پوب(صورت همدیگر را می بوسیدند) عییدی بیربیره قوتلولوق دیردیلار. ايل تحويل اولدوغونان سونرا، كيچيكلر بؤيوكلرين ائوينه گئديب و اونلارلا گوروش(دیدن) ائدرديلر. كوسولولر باريشارديلار. بؤيوكلر كيچيكلره بايرامليق وئررديلر. چوخلاريدا طايفا بؤيوگونون يانينا ييغيشارديلار و اوردا بايراملاشارديلار. قدیم زاماندا عییدگاه ایله خان خان توتیب و قالانینگ میدانین دا اویونادیلار.

13 گونو(سیزده بدر)

بوگون ات آلارديلار و فطیر ایله پولو بشیریب گتيريب چؤله و یا باش بولاق غا (سرچشمه) گئدردیلار. نئچه قونشو ييغيشيب و هامی اویونادیلار. بايرام گؤيرتديگي گؤيلري آپاريب چؤله آتارديلار.

14-جو گون

13-جو گونون عكسينه ملت ائولره ييغيشارديلار و چاي ايچرديلر.