گولمه
باشدان ایشلر ترسه گلدی گولمه گولمکدن گئچیب
چوخ یامان بیر درده دوشدوک، دردی بیلمکدن گئچیب
باغ پوزولدو، کند داغیلدی، اؤلدو بولبول سولدو گول
شاختا چالدی باغلارین بارین، دریلمکدن گچیب
بو جهالت بیر مرضدی کیمسه دوتدور فاتحه
دور قبیر قازدیر کفن بیچدیر دیریلمکدن گئچیب
اختیار سیز عمرومون فرشین دار اوستن داره چک
قین جیلان آرخاجدان ایلمک، چالما ایلمکدن گئچیب
اؤز دیلیمدن آسلانیر باشیم باشیمدان قورخمورام
فیکریمی برک ساخلائین بوینوم اوزولمکدن گئچیب
جان سیزین جان تبریزین جان تورک لرین گؤیچک دیلی
قوی سؤزوم دیللرده قالسین، دیل بیچیلمکدن گئچیب
ای هاوار باغریم یاریلدی قوللاریمدان ساخلایین
قویمایین قلبیم سیخیلسین قد کیچیلمک دن گئچیب
شاعیر :حؤرمتلی ، اوستاد هوشنگ جعفری
+ نوشته شده در چهارشنبه هفتم فروردین ۱۳۹۲ ساعت 1:31 توسط اسماعیل سالاریان
|
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.