اشاره :با همة انتقادهايي كه به كنگره جهانی بزرگداشت استاد شهریار در تاریخ 18/02/92 وارد است، بزرگترين حسن و مهمترين دستاوردي كه اين كنگره داشت، گرد آمدن شاعران، اديبان، دوستدارن و ارادتمندان استاد شهريار ازگوشه و كنار كشور گرد كنگره خورشيد ماندگار ادب ايران بود تا ديداري و آشنايي و يا تجديد ديداري با همديگر داشته باشند، دردها و رنج هاي مشترك خويش را به زبان شعر و موسيقي و سخنراني در محل برگزاري كنگره و همچنين گرد آمدن غير رسمي شاعران در سوئيت هاي هتل محل اقامت مدعوین كه به شب شعر محفلي تعبير مي شود، بيان نمايند. بهرحال مطلب این پست را که داستانی تورکی ساتیری و تمسخر آمیزی در مورد برگزارکنندگان گنکره بین المللی استاد شهریار در برج میلاد که توسط شهردار تهران!! و چند دانشگاه و... برگزار شده بود و نویسندگان این مقاله معتقدند که اصلن ربطی به شهریار نداشت انتخاب کرده ایم. یادآور می شود اینتشار مطالب بقلم دیگر نویسندگان در این وبلاگ صرفا جهت اطلاع رسانی است و بمعنای تایید و یا ردآن نمی باشد.


بعضی بین المللی! کنگره لرین قورولماسی موناسیبتینه

سن جور آداملار!


خان ایدی؛اونا، ائله بیزیم قونشو کتده خان دئیردیلر،

ایشی داوار، اینک، آت... اوغورلاماق ایدی،

بیر گون بو دؤور - برده بیر شئی تاپیلمیر؛

ممدآلی یا دئییر کی، سحر حاضیرلانارسان،

آراز قیراغیندا ائلاتلارین یانینا گئده جه ییک،

سحر، خان بیرده ممدآلی یولا دوشورلر.

اورادک بیر- ایکی دست گؤزل پالتار، بیر آت،

بیرده ائششک تاپیرلار، او زامان یئتیشرلر کی

شام واختییدی، بیرده کی اؤزلرین ائله بزه ییرلر،

همیشه کی کیمی بیری خانا، بیرده نؤکره بنزه ییر،

سوراقلاشاندان سونرا بیرینین ائوینده قوناق اولورلار،

یئییب، ایچندن سونرا آلیش - وئریشه باشلاییرلار.

یئتمیش بئش دنه داوار سئچیب، ائنله ییرلر؛

بونودا دئییم؛ خان یئییب ، ایچنده؛ ممدآلی، الی

سینه ده اونا قوللوق ائله ییردی، قاباق- قاباق

گلیب، دالی- دالی گئدیردی! خان امر بویوراندا

دووروب، تئز الین گؤزونه قویوب، بیر آندا او ایشی

گؤروردو. ائله داوار سئچنده ده، خان امر ائله دی:

ممدآلی داوارلارا رنگ ووراندان سونرا، پوللاری

خورجوندان گؤتوروب، ائوه گتیر، آغانین بورجون وئرک.

نه پول! خورجوندا ایکی آرپا چؤره ییندن ساوایی

بیر شئی یوخودو! ممدآلی الی سینه ده ایچه ری گیریب،

یاواشجا خانین قولاغینا دئدی: ائله بیل خانیم پوللاری

خورجونا قویماییب! خان چوخ ناراحات حالتده ممدآلی نین

پئیسرینه بیر شاپالاق اَندیریب، دئدی: هئچ زادا

یارامامیسیز! ایندی بس نئیله یک؟ ائلات سوروشدو!

نه اولوب؟ خان ماجرانی ائلاتا آچدی. سونرا عوذور

ایسته ییب، دئدی: گئدیب پوللاری گتیرسینلر، سونرا

داوارلاری آپاراق! ائلات دئدی: اوندا گرک منیم

نعشیمدن گئچه سیز! منه ایراد دیر! داوارلاری

آپارین، گلن هفته ممدآلی گتیرر. خیلاصه آخیردا

راضیلاشدیلار!

شامی یئییب، گئجه نی ده اورادا یاتیب، سحر تئزدن

یئمیش بئش داواری سوروب، کنده گتیردیلر،

اوتوز اوچو قونشو کتده قومارا گئتدی!

ایکیسی ممدآلی یا، اوتوز بئشی خانین عاییله سینه یئتیشدی!

بو سؤزون اوستوندن بیر اوچ- دؤرد آی گئچمیشدی!

ائلات کتده خان ایله، ممدآلی آختاریردی!

بیر کوللوک خانایا یئتیشیب، گؤردو؛ ممدآلی اورادا

تومانین چیخاردیب، بیتلرین آریتلاییر، ائلات

سوروشدو: خان هاردا؟ ممدآلی خانین ائوین

گؤرستدی؛ ائلات باخیب گؤردو، نه خان!

ائو - ائشیک بیر خارابالیق دییرمانا بنزه ییر!

ائلات بیر بامباچا اؤز باشینا، بیرینده ممدآلینین

باشینا(کی شالواری الینده اورادا دورموشدو)

چالیب؛ اؤز ائلات دانیشیغی ایله دئدی:

آی ممدآلی! سنین او خانین قاباغیندا اییلیب،

دوزلمه لرین؛ او قاباق- قاباق گئدیب،

دالی - دالی گلمه لرین منی آلداتدی؛

او یئتمیش بئش داواری وئردیم گئتدی!!

سنی اؤله سن! سن جور آداملار، آدامی

چاشدیریردا!!

یازانلار: گرگرلی آراز- رضا دهقان(چنگی)