بیر نئچه دنه گولمه جه
آنا دیلی
معللیم شاگیرددن سوروشدو: نییه دئییرلر « آنا دیلی »، دئمه ییرلر « آتا دیلی » ؟!. شاگیرد جاوابیندا دئدی: ائوده دائمن آنام دانیشیشیر و هئچ ماجال وئرمه ییر بیر كلمه ده آتام دانیشا، بونا گؤره، «آنا دیلی» آدلانیب دیر!!
كیبریت چؤپو
بیر نفر كوچه دن كئچیردی گؤردو قارانلیقدا بیری كیبریت یاندیریب، یئرده بیر شئیین دالیجا گزیر. اوندان سوروشدو:
ـ آی قارداش نه آختاریرسان، هئی كیبریت چكیرسن؟
ـ دئدی: بیر دانا كیبریت چؤپوم یئره دوشوب اونو اختاریرام!
خام خییال
بیر یوخسول كیشی، گئجه چاغی خاتینا ( آروادینا) دئدی: ایسته سك ساباح گئجه آخشام یئمه یینه پیلوو یئیه ك و من گوندوز بیر تلیس دویو(برنج) آلام، نه قدر یاغ لازیمدی؟
ـ خاتین (آرواد) جاواب وئردی: ایكی باتمان یاغ احتیاج دی.
كیشی تعجب له سوروشدو: نه جور بیر تای دویویه (برنجه) ایكی باتمان یاغ لازیمدی؟
ـ خاتین ( آرواد دئدی ) : بیز خییال ایله پیلوو بیشیریریك نه عئیبی وار یاغلی یئیه ك؟!
قبریستان اهلی
عاریف لردن بیریسی دئییر: گونلردن بیر گون قبریستانا ساری گئدیردیم، بهلول ایله توش گلدیم. سوروشدوم قبریستاندا نه ائیلیرسن؟
ـ دئدی: منه، آزار ائتمه ین، آخیرتی یادیما سالان، اونلاردان آیریلاندا دالیمجا صفحه قویماییب، غیبت ائتمه ین، جماعت ایله اوتوروب دورورام!
1) من اسماعیل سالاریان صاحب این وبلاگ 7 کتاب چاپ شده ام 1-تمثیل و مثل 2- ناغیلار بوقچاسی 3- مثنوی یوسف و زلیخا به ترکی خراسانی 4- نگاهی به ادبیات ترکان خراسان 5- نگاهی به فرهنگ ترکان خراسان هست 6 -ترکی خراسان و قواعد آن و چند کتاب در زمینه زبان، ادبیات و فرهنگ ترکان خراسان آماده نموده ام که هنوز چاپ و نشر نشده اند.